Hvað er málið með fegurð Íslenskra kvenna?

Fegurðarsamkeppni landkynning eða löstur?

.

.

.

Það er alltaf talað um að fegurðarsamkeppnir séu mikil landkynning og þ.a.l. mikil auðlind fyrir ferðaþjónustuna hér á landi. Hvað eru þær, þ.e. fegurðardrottningarnar, að kynna erlendis sem virkar svona vel á ferðaþjónustuna annað en að fleiri og fleiri í heiminum heyri um landið langt í norðri. Er einhver að hugsa um að ferðast til Ísland af því að hér er svo fallegt kvenfólk? Eða af því að við erum svo vel að okkur í mannúðarmálum? Erum við enn föst í því að enginn þekki landið okkar og því þurfum við að keppast við að sanna tilvist okkar og mikilmennsku? Að mínu mati skiptir það ekki það miklu máli fyrir ferðaþjónustuna að fólk í vanþróuðu löndunum viti um Ísland þar sem þau eiga ekki eftir að geta heimsótt okkar land hvort eð er. Þó svo að ég styðji heilshugar vinnu þeirra í mannúðarmálum.
Það hefur heyrst í fréttum bæði hérlendis og erlendis af því að erlendum karlmönnum finnist mjög gaman að koma til Íslands vegna þess hve fallegt kvenfólkið er hér. Varla er þó hægt að kalla það ferðamennsku? Nema þá að við seljum inn á þessa svokölluðu auðlind okkar og markhópurinn verði ríkir karlmenn 30+. Ætli það nefnist þó ekki frekar “hórdómur” en ferðamennska? Eða hvað?


Þetta var pæling dagsins gott fólk
Endilega gefið mér comment á þessa pælingu mína

Bið að heilsa
Þetta blog er í boði kynlíf, því án þess hefði ekki verið hægt að búa til allt fallega kvenfólkið sem laðar að alla karlana og styðja þar að leiðandi að ferðaþjónustunni sem hjálpar svo aftur til við að byggja upp hagkerfi landsins!!

kv. Dillibossi Knúdsen