Hjónasvipur!!

Því hefur nokkrum sinnum verið fleikt fram síðasta mánuðinn að það sé hjónasvipur með mér og mínum elskulegasta. Samt sem áður erum við búin að vera saman í tæplega 2 ár, en engum hefur dottið í hug að segja þetta við okkur fyrr en í síðasta mánuði!!

Ég veit að ég hef ekki skipt um svið, eða útlit, fyrir utan að hafa klippt mig stutt og hann hefur ekkert skipt um svip síðan við kynntumst. Samt sem áður erum við að fá þessar athugasemdir frá fólki sem við umgöngumst nokkuð oft.

En hvernig er það þá... ef við hættum saman og ég á svo eftir að giftast einhverjum öðrum, mun ég þá ekki vera með hjónasvip með manninum mínu?

Færist svipurinn kannski á milli fólks á nóttunni eftir að það hefur deilt rúmi í ákveðinn langan tíma?

Eða er það kannski bara nefnt hjónasvipur þegar það sést á fólki að því líður vel saman?


Hvað segiði hefur það verið sagt við ykkur að þið séuð með hjónasvip með ykkar maka?

kv. Svipbossi Knúdsen